Солонгосын төв банк бодлогын хүүгээ дахин бууруулж, жилийн 0.75% болголоо

 

БНСУ-ын Санхүү, валютын хороо өнөөдөр ээлжит бус хурал зарлан хуралдаж шинэ төрлийн коронавирусын халдвар болох covid19-өөс үүдэлтэй дэлхийн цар тахлын нөлөөгөөр эдийн засагт үүсэж буй хүндрэлийг бууруулах зорилгоор төв банкны бодлогын хүүг түүхэндээ хамгийн бага буюу өнгөрсөн 2 сард баталсан 1,25%-аас дахин 0,5% бууруулж 0,75% болгов.

Энэ нь өчигдөр АНУ-ын Холбооны нөөцийн газар хуралдаж бодлогын хүүгээ 0% болгосон санаанд оромгүй шийдвэртэй уялдаатайгаар хийж буй арга хэмжээ юм.

БНСУ-ын Төв банкны бодлогын хүү 0 хүртэл хувь руу ийнхүү буурч буй нь түүхэндээ анх удаа бөгөөд мөн Санхүү, валютын хороо өмнө нь ээлжит бус хурал зарлаж шийдвэр гаргаж байсан нь 2001 оны 9 сарын 11-ны террорист халдлага, 2008 оны 10 сарын дэлхийн эдийн засгийн хямралын үе гэсэн хоёр л тохиолдол байсан ба энэ удаагийхтай 3 дахь удаагаа ийнхүү шийдвэрээ гаргаж байна.

Санхүү, валютын хороо нь төв банкны бодлогын жилийн хүүг бууруулахаас гадна Санхүүгийн зуучлалын тусламжийн зээлийн (Төв банкнаас жижиг дунд үйлдвэрлэгч нарыг дэмжих зорилгоор арилжааны банкнуудад өгч буй дэмжлэг) хүүг одоо байгаа 0,50%~0,75%-аас 0,25% болгон багасгаж хөрвөх чадварын нийлүүлэлтийг бууруулах нэмэлт арга хэмжээг авав.

Мөн цаашид санхүү банкны байгууллагын санхүүгийн нийлүүлэлтийн хүндрэлээс урьдчилан сэргийлж Дахин худалдан авах нөхцөлт(RP) үнэт цаасанд банкны бондыг нэмж оруулав.

АНУ-ын Холбооны Нөөцийн Газар “Big cut” зарласны дараа Шинэ Зеландын төв банк бодлогын хүүгээ 1%-аас 0,25% хүртэл бууруулж, үүнийгээ ирэх жил хүртэл барихаа зарласан юм.

Мөн Японы төв банк (BOJ) яаралтай хуралдаж ETF-ийн жилийн худалдан авалтын хэмжээг 6 триллион иенээс 12 триллион иен болгон хоёр дахин нэмэгдүүлнэ гэж мэдэгдсэн байна.

Ц.Өнөрзаяа
Күүкмин Их Сургуулийн багш
БНСУ, Сөүл хот

Latest articles

С.Баярцогт: “МОНГОЛЫН ТӨР ЗҮТГЭСЭН ХҮНДЭЭ ХАЛТАЙ”

2020 оны долоодугаар сарын 07-ны өдрийн шүүх хуралдаанд шүүгдэгч  С.Баярцогтын хэлсэн үгийг бүрэн эхээр нь хүргэж байна. Тэрээр "Ардчилсан Монгол Улсын эрхэм шүүгч ээ, Монгол төрийн...

Өвөлжилт, хаваржилтын бэлтгэлээ сайтар хангахыг бүх сайд, холбогдох дарга нарт даалгав

Засгийн газрын ээлжит хуралдаан 2020.07.22-ны өдөр болж хөдөө аж ахуйн салбарын өвөлжилт, хаваржилтын бэлтгэл хангах талаар хэлэлцэн шийдвэр гаргав.   Өвөлжилт, хаваржилтын бэлтгэлээ сайтар хангахыг бүх...

ЦЕГ-ын даргаар Ж.Болдыг томилжээ

Цагдаагийн ерөнхий газарт томилгоо хийгдлээ. Тодруулбал, ЦЕГ-ын дэд даргаар ажиллаж байсан З.Дашдаваа АТГ-ын даргаар томилогдсоноор түүний суудал эзгүйрээд байсан юм. Тэгвэл түүний оронд цагдаагийн...

УИХ-ын дарга Г.Занданшатар шинэ төмөр замын бүтээн байгуулалттай танилцлаа

УИХ-ын дарга Г.Занданшатар, УИХ-ын гишүүн Б.Дэлгэрсайхан, Т.Энхтүвшин, Зам, тээврийн хөгжлийн сайд Л.Халтар, Уул уурхай, хүнд үйлдвэрийн сайд Г.Ёндон нар энэ сарын 20, 21-ний өдрүүдэд...
44.1k Followers
Follow

Related articles

Leave a reply

Please enter your comment!
Please enter your name here